DRUŠTVO HRVATSKIH KNJIŽEVNIKA
Osnovano 1900.
Milan Frčko
Milan Frčko rođen je 12.10.1955. u Koprivnici.
Član je Društva hrvatskih književnika. Cijeli radni vijek radio je u koncernu „Podravka“ a danas je u mirovini. Objavio je četiri zbirke pjesama: “Snovi“, “Ispunjenje“, “Beleštin“ i „Duševni samostan“. Pjesme su mu objavljivane na recitalima: “Sv. Ivan Zelina“, “Krapinskom festivalu“, “Bedekovčini“, “Kustošija Zagreb“, “Senje i meteori - Varaždin“, “Domača reč - Ivanec“, zatim u „Podravskom zborniku“, „Glasu podravine“, “Koprivničkom godišnjaku“, “Zborniku književnih radova - Prelog“, zbirkama literarne sekcije Podravke.
Frčko je i slikar koji slika od 1970. godine i do sada je održao preko dvadeset samostalnih izložbi. Slike su mu izložene u muzejima, galerijama i u crkvama. Suradnik je u tiskovinama za vjersku edukaciju. U 2010 godini ilustrirao je knjigu “Put do neba“ (apstraktna slika naslikana uljanim bojama na platnu za naslovnicu i četiri crteža tušem koji dijele cjeline unutar zbirke). Nakladnik navedene knjige je „Glas koncila“. Frčko je i urednik i voditelj radio emisije o kulturi pod nazivom „Koprivnički kraj - slikarstvo i poezija - etno baština" koja se od proljeća 2010. godine emitira svake nedjelje od 12:45 h na valovima „Radio glas podravine“ (94.1 megaherca). Član je Literalne sekcije „Podravka“- (KUD „Podravka“), LUDM-a Prelog i Književnog društva Prelog.
Ah
„...i ne razmem kaj očeš?“-pital me
Krleža, škicajuči svoje zapise.
„Nešče je vgasil svečo, i zmotal sem se“-
otpovem zdignotim obrvinama.
„Ah“- prošepče Krleža i čkomina
se vrne nazaj v komoru i v mene.
Ni Tito,za kojim je žmeko ve iti
nema vole žlabrati.Z cigaretlinom med
vusnicama premeče račune kaj bo
videl kulko so odnesli oni kaj so
došli posle njega.Kadi kak rafung.
Obrnol sem se k rečniku kaj se
nafčim engleski jer neki ljudi ne razmo
kajkavski jezik.
I sred tog gruntanja, žnerajuči jene zgode
z drugim zgodama, smeh je prestigel
čutanje i prevrgel se v cerekanje
koje više ne žveni v meni
nego se čuje vunej.
7.12.2011.
Babica
Senjal sem šmiček i babico
spod lipe ,kaj je z babom dišla.
Šorcanjem sem lukal vu ftico
kaj se na den smrti z babom zišla.
Baba je furt gonđala vdajno:
«Ječte, al i črevo nek odehne!»
Vučila nas je kaj je šparno
a rekli smo da je kak dete.
Sem i sakom je lubav dala.
I škvorcu kaj je grozdje kral.
Ftiče je z droptinjem dozvala
a ja sem njo i betežen zval.
Škrampli su joj bili v semenju
i v pramaletje i vu jesen
a ve trepče samo vu senju
i kak ne bo čovek reznesen.
Dvorišče je tak prazno bez nje.
Ve retko ko vu njega luče.
Vender gdi je sadila cvetje
vende ve veter drača puče.
Senjal sem šmiček i babico
spod lipe kaj je z babom dišla.
Šorcanjem sem lukal vu ftico
kaj se z babom na den smrti zišla.
Šmiček-naprava za namatanje pređe, šorcanjem-promatranjem iz prikrajka, čutim-osjećam,droptinjem-mrvicama, gonđala-mrmljala, vdajno-podatno, ječte-jedite, črevo-trbuh, odehne-odmori, šparno-štedljivo, sem i sakom-svima i svakome, betežen-bolestan, škrampli-dugi nokti, pramaletje-proljeće, vezda-sada, trepče-treperi, senju-snu, vender-tamo, vende-ondje.
Čakajuči posel
Odnavek sem štel z črešnjinim koščicama
bombarderati vučitele.
I gle,spazil sem lojtru i škvorce v ranoj črešnji.
Idem fletno.
Najempot me nešče rebnol v hrbet.
„Kaj si senjal“-pita me žena.
Al,gda sem se naluknol v špigel
vu njem nesem videl nikaj.
„Ko senja?“-z pitanjem otpovem ženi.
„Sonce je več sred dvorišča“-veli ona.
Obul sem škornje i pojem iskati posel.
V glavi mi se furt premeče misel
o cajtu f kojemu sem jen čas bil nevidliv.
Gda se čovek obuje, njegova senja
se mam potepu.
Selska slika
Čez velko i suvo travo
dete rivle drvene tačke
zmed oprčenih lati
tackajuči vu vodi do gležnja.
Z mulja se nalukavlo ručke od
logožara koji je nesrečno skončal.
Gore na cirkvenom tornju,
zmed črlene firange i obloka
stoji biškup i čkomeči luče
svojim počinotim jočima.
Oče dete dozvati. Poslal mu je i goloba
al dete je nafčeno na friški zrak
i ne kani se obrnoti.
(Biškup grunta o kuharici
koja mu navek pomore al, nje nega.)
A onda se na obloku pokažo
skloplene roke.
Dete se nagne bliže k obloku
kaj bo čulo tiho šeptanje,
zmišleno pripovest
i ispriko...
7.02.2011.
Podravina
Lepo je živeti kraj Drave. Čon te dopela do lokvanja na kojemu počineš joči, pogledneš mreno,šarana ili klena, popetaš trstiko i med vrbe porineš lice. Tu se jeleni i košute saki čas naluknu vu vodu,ostave tragove v pesku i prekopitnu školku kaj so jo prinesli vali.Čoveku dojde da zeme vuže, hiti ga srndaču oko vrata, dopela ga v čon i ljudima pove: “Poglečte, niso si divji!“ Z dravskoga strmca moreš pročitati sačije lice. Če ftica spred nosa odnese ribiču ribo znaš da bo jalen pernatoj sreči. Nikaj čudnega. Spolom zbavleni posel sakoga žegeče. Ne trefi se tak nekaj samo lapcima nek i starešoj prispodobi. Kulki lamančo z rokami i bez sape stojijo, čehajuči vehja, dok se čon na valima zible. Gda sonce zajde za vrbike jeleni pelajo košute na pašo. Vali se zabuše v čon i vrno se nazaj k obali.
I v jelenske joči gde je navek Podravina.
5.08.2011.
Ivanu Večenaju
Čkomeči pajdaš z skritih dalina,
tvoj zdihaj se još opčuti f Podravini.
Ti si ve anđel sred nebeskih visina,
al dal si pono svoji domovini.
V cirkvenim zvonima tvoje so slike
i Stvoritel ti se bo navek divil.
Prvi si naslikal Jezušove krike,
z kojima je On naše grehe primil.
I denes se čuje krik tvojeg vriska.
Mi smo prispodobleni suhom listju,
a tvojo dušo vreme tekar lista.
Gola se opčuti vu sakom tvom stihu.
Kak da z vetrom si svoje pesme pisal.
Soze mi šepčo da čez njih si risal.
--------------------------------------------------
Pjesma je napisana povodom podizanja
spomen ploče na rodnoj kući doajena
svjetskog slikarstva, gosp.Ivana Večenaja
U Goli, 15.2.2014.godine.
popis članova